२९० कन्टेन्ट उत्पादक तथा सम्प्रेषकलाई कारबाहीका लागि साइबर ब्युरोमा पत्राचार

फागुन ८,  शुक्रबार 
पोखरा – निर्वाचन आयोगले हानिकारक सूचना उत्पादन एवम् सम्प्रेषण गर्ने २९० कन्टेन्ट उत्पादक तथा सम्प्रेषकलाई कारबाहीका लागि नेपाल प्रहरीको साइबर ब्युरोलाई पत्राचार गरेको छ । आज आयोगमा भएको नियमित पत्रकार सम्मेलनमा सहायक प्रवक्ता सीता पुन श्रीसले निर्वाचन आचारसंहिता विपरीत गतिविधि गर्नेलाई कारबाहीका लागि सम्बन्धित निकायमा पठाएको जानकारी दिनुभयो । त्यस्तै ११ वटालाई दूरसञ्चार प्राधिकरण ऐन २०५२ बमोजिम कारबाही गर्न नेपाल दूरसञ्चार प्राधिकरणमा पठाइएको, ६५ वटालाई प्रेस काउन्सिलमा र एउटालाई विज्ञापन नियमन गर्ने ऐन २०७६ बमोजिम कारबाहीका लागि पठाइएको जानकारी दिनुभयो ।